Otsailaren 20an, Bilboko Bira kultur gunean, "Berdea da more berria" liburua aurkeztu zuten Onintza Irureta egileak eta Irantzu Varela kazetari feministak (hitzaurrearen egileak). ARGIArekin batera argitaratu dugun liburuan Bizkaiko zahar egoitzetako 378 eguneko greban parte hartu zuten zortzi langileren testigantzak jasotzen dira, 2016ko grebara iristeko 80. hamarkadan hasi zen antolakuntzaren historia laburki kontatu ondoren.