Iruñeko Aniser Facility Service zerbitzu anitzeko enpresak, egun Euroestampaciones enpresak soldadura lanak egiteko azpikontratatua duena, orain arte ez zien langileei hitzarmenik aplikatzen. Hainbat bileraren ostean, eta enpresaren jarrera ezkorra ikusita, langileek borroka dinamika bat jarri zuten martxan -lanuzteak eta mobilizazioak aurreikusten zituena- eta, horri esker, azkenean atzo lortu zen aurreakordioa sinatzea.