Hego Euskal Herrian 13.507 langabe gehiago zenbatu dituzte apirilean. COVID-19ak eragindako osasun-krisiaren testuinguruan, jarduera ekonomikoaren hondoratzearen ondorioz 179.085 langabe daude lau lurraldeetan; hau da, aurreko hilean baino %8,2 gehiago eta duela urtebete baino %21 gehiago. Dena den, pandemiaren ondorio ekonomikoei aurre egiteko hartutako neurriek ez dute eragotzi enplegu asko suntsitzea. Eta horren eragina bereziki larria izaten ari da gazteen artean: langabezia %12,3 igo da hilabete bakar batean, eta iaz baino %34,7 handiagoa da.