Arabako ESIko ordezkaritza-organoek egoera zuzentzeko eta San Martingo NPB berriz irekitzeko eskatzen dugu, ondo funtzionatzeko behar diren giza baliabideez hornituta; hau da, itxi aurretik zeuden langile berekin, gutxienez, eta profesionalen gain erakunde honetako zuzendaritzari dagozkion erantzukizunak kargatu gabe. Helburu hori lortzeko, beharrezkoak diren ekintzak egingo ditugu; besteak beste, zuzenean eragindako kolektiboak biltzen dituzten herritar-elkarteekin harremanetan jartzea.