Gaur, ekainak 28, Sexu Askapenaren Nazioarteko Eguna da. Gaur zein urteko gainontzeko egunetan, lanean zein beste esparrutan, gure desio, gorputz eta identitateak aske eta duin bizi ahal izateko aldarria bere egiten du sindikatuak. Lantokietan sexu aniztasuna askatasunez bizi ahal izateko gida eta protokoloa dugu, langileen ordezkariek tresna bezala lantokietan erabil ditzaten. Langile klasearen sentsibilizazioa guztiz beharrezkoa dela iruditzen zaigu; horregatik, formakuntza saio bat egin dugu Gasteizen, aurretik egindako beste batzuei segida emateko, beharrezkoa eta derrigorrezkoa deritzogulako sindikatuko kide ezberdinek LGTBI+ buruzko oinarrizko jakintzak izatea, existitzen diren arauak eta legeak ezagutuz, lantokietan langile kolektibo honen defentsa egiteko.