LAB sindikatuak Etxebarriko Arcelor Mittal enpresako hitzarmena ez sinatzea erabaki du, ez nahikotzat jotzen duelako. Hain zuzen ere, etsipen handiz ikusten dugu nola galdu den aukera handi bat langileen lan baldintzak nabarmen hobetzeko. Hitzarmena ez sinatzeko arrazoiak soberan ditugu. Izan ere, ezuste galanta hartu dugu ikusita hitzarmena ez dagoela 2012ko Lan Erreformatik babestuta, adostutako guztia arriskuan jarriz, alde biek ez baitute inongo obligaziorik hitzarmena betetzeko, langileak inolako babesik gabe geratuz, enpresaren asmoen menpe.