Konfinamenduak eragindako egoera soziala aztertu eta horren inguruko gogoetak partekatzeko agerraldia egin du LABeko Ekintza Sozialeko idazkari Endika Perezek. "Arazoa ez da berria, aldatu dena testuingurua da. Koronabirusak aurretik zegoen krisi anizkoitza azkartu dezake, baina larrialdi klimatikoa, zaintza eta ekonomia krisia eta krisi soziala lehenagotik bizi ditugu", berretsi du.