Hego Euskal Herrian, Espainiako Gobernuak iragarri duenaren arabera, positibo eman duten haurrak zaintzeko gurasoek izango dute gaixo agiria. Bakartuta egon behar duten baina PCRan negatibo ematen duten haurren gurasoek ez dute baimena izango. Horrek esan nahi du soldatarik gabeko lizentziaren bat hartu beharko dugula (posible badugu, noski), eta, zaintza lanen banaketa ez justuak erakusten digun bezala, emakumezkoak izango garela, berriro ere, horren ardura hartuko dugunok.