Euskal Herriko Eskubide Sozialen Karta osatzen dugun eragileok agerraldia egin dugu Bilboko Arriaga plazan, ekainaren 19ko mobilizazio egunari begira prestatutako manifestua aurkezteko eta idatziak lortu dituen atxikimenduen berri emateko. Hauen artean daude azken hilabeteotan bizitzaren aldeko borrokan nabarmendu diren sektoreetako langileak, hots, osasungintza, zaintza eta merkataritzako langileak, besteak beste, eta esparru ezberdinetako pertsona ezagunak.