Martxoaren 20an, Errausketaren Aurkako Mugimenduak eta sindikatu eta lan munduko hainbat eragilek hondakinen errausketaren eta hauen kudeaketaren inguruko jardunaldi bat antolatuko dugu. Hain zuzen ere, langileek erraustegiaren eztabaidan ere badute zer esana eta erabakietan parte hartzeko eskubidea, langileen bizi eta lan baldintzetan eragina duen gaia baita. Hala, Gipuzkoako ehun bat enpresetako langile batzordeek bat egin dute jardunaldiarekin eta egunean bertan egingo diren giza kateekin. Euskal gehiengo sindikaletik agerraldi bat egin dugu gaur, jardunaldiaren eta atxikimenduen berri emateko.