ARGIA.eus

2019ko uztailaren 17a

Eragileen plaza!

SORTU KONTUA
Errealitate konplexu eta aldakorraren aurrean biluzik aurkitzen gara maiz. Hotz egiten du kanpoan, eta garai ankerrotan, informazioak euri jasa trumoitsu gisa heltzen zaizkigu, tifoietan. Jakina, ez gara inguruneari aurre egiteko prest jaiotzen eta bizitzan zehar eskaintzen dizkiguten jantziak ez dira beti aproposenak. Taila estuetan hertsirik nahi gaituzte, edota iraganean iltzatutako jantzi zaharkituetan. Gure beharretara egokituriko jantzi sortaren ordez, munduko edozein txokotan ikusten diren modako uniforme grisak eskaintzen dizkigute. 1977tik euskal herritarrak janzten dihardu IPESek. Berrogei urte ingurunera egokiro prestatzeko jantzigintza herritarra antolatzen. Bakoitzaren ingurunea ezagutu eta eraldatzeko moduko jantziak ekoiztuz, guztien neurrirako jantziak eta denen artean josiak. Berrogei urte josten eta XL neurrira heldu da IPES. Edonor sartzeko moduko neurria, aniztasunak emandako neurria, handitzen ari da jantzigintza faktoria herritarra! Handitzen kuantitatiboki, esku eta orratz gehiago sa
2019-05-15 17:07

Orain bi urte abiatu genuen elkarlana Ernai gazte antolakundea eta Ipes elkarteak.    Gazte botereari loturiko analisi eta azterketa bat egiteko asmoz. Esan beharrik ez dago ez dela abordatzen gaia erreza. Gazteria eta Boterea termino iheskorrak direlako. Baina egindako ibilbidea ikasketa prozesu emankorra izan delakoan gaude, eta, hainbat eremuentzat (nagusiki gazte mugimenduarentzat, baina, baita herri mugimenduko sektore anitzetan, akademian etab. diharduten hainbat eragileentzat ere), ekarpena izan dela baiezta dezakegu, gure xumetasunean.

Aitzitik, gaiari heldu, eta prozesu oso bat abiatu genuen: lan-talde bat sortu, UEUko 45.udako ikastaroetan ordurartekoa partekatu ikastaro bidez, eztabaida taldeak egin, berriro aztertu, landu, idatzi, berridatzi? eta azkenik ?PITZATU. Gazte Boterez Euskal Herria eraikitzen? liburuxka argitaratu genuen 2018ko Durangoko Azokan. Orduz geroztik, hamaikatxo aurkezpen eginak ditugu ere; azkena, Lemoako Gazte Topagunean.

Elkarlanaren ziklo bukaera gisa UEU-ko 47.udako ikastaroetako proposamen berria da: ? Prekarietatearen eragina gazteongan. Parte-hartze politikotik bizi-ikuskerara? ikastaroarekin ( Prekarietatearen eragina gazteongan: parte-hartze politikotik bizi ikuskerara ).  Ekainaren 28an egun osoko saioarekin Eibarren egingo dugu, eta izene-ematea zabalik dago jada: http://www.ueu.eus/ikasi/ ).

Elkarlan zikloaren bukaera da, bai; baina ageriko dena zera da: prekarietateak gazteon bizi-ikuskeran eragin transbertsala duela, eta gazteon bizitza guztian eragin zuzena duela. Beraz, tamalez, azterketarako erpin berria bai, baina etorkizunean sakonki analizatu beharko dugun problematika da. Ipes elkartearen lelo nagusiak dioen bezala, prekarietatea galdetzeari ez uzteko arrazoia bihurtu zaigulako, zalantzarik gabe.

Esan beharrik ez dago ikastaroa elkar ekintzarako espazio kolektibo gisa proposatzen dugula (eta ez bakarrik gazteentzat, nahiz eta protagonista nagusiak izan). Hortaz, gonbite zabala egiten dugu interesa eduki dezakeen ororentzat berea egiteko. Animatu!

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.