2019-01-19 17:49

Euskal Herriko hainbat Gizarte eragilerekin batera Kuban ospatuko den “Paradigma askatzaileak/emantzipatzaileak” nazioarteko mintegian parte hartuko du Ipesek datorren astean. “Paradigma emantzipatzaileak/askatzaileak” hausnarketarako, sakontzeko eta artikulaziorako gunea da, konpromiso sozial eta politikoa duten guztiona. Aipatutako mintegia, GALFISA taldeak antolatuta, Abya Yalako beste hainbat kolektiboen bultzadaz egiten da. XIII edizioa urtarrilaren 22tik 25era burutuko da La Habanan.

Joxemi Zumalabe Fundazioak – Bizilur Elkartearekin lankidetzan – bultzatutako Murtxikatuz izeneko prozesuan murgildutako Euskal Herriko eragile sozial batzuk Abya Yalako (Latinamerika) zein munduko beste eragile sozial eta aktibistekin batera gai anitzei buruz hausnartu, eztabaidatu eta sinergiak bilatzeko aukerak izango dugu La Habanan ospatuko den nazioarteko mintegian. Bertan egindako harremanak, ikasi, ikusi eta bizi izandakoarekin, Topaketa Internazionalista antolatuko dugu datorren udazkenean Euskal Herrian, formakuntza politikorako prozesuetan sakontzeko eta hobetzeko helburarekin. Topaketa Internazionalistak ipar-orratza izanda, honako helburuekin abiatuko da euskal delegazioa Kubara:

• Abya Yalaren herri mugimendua ezagutu eta haiengandik ikasi.

• Euskal Herrian Herri Mugimenduek formakuntza politikoan ditugun korapiloak askatzeko beste errealitateko baliabideak, tresnak eta gogoetak ezagutu eta baliatu.

• Murtxikatuz taldearen dinamika indartu eragile internazionalak gonbidatuz.

• 2019an Euskal Herrian egingo ditugun Topaketa internazionalistarako kontaktuak egin.

• Bertan ikasitako guztia Euskal Herrian sozializatu.

• Bakoitzaren kolektiboak indartu eta formazio prozesuak birpentsatu.

Mintegiaren gaineko informazio gehiago hemen

 

 

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Errealitate konplexu eta aldakorraren aurrean biluzik aurkitzen gara maiz. Hotz egiten du kanpoan, eta garai ankerrotan, informazioak euri jasa trumoitsu gisa heltzen zaizkigu, tifoietan. Jakina, ez gara inguruneari aurre egiteko prest jaiotzen eta bizitzan zehar eskaintzen dizkiguten jantziak ez dira beti aproposenak. Taila estuetan hertsirik nahi gaituzte, edota iraganean iltzatutako jantzi zaharkituetan. Gure beharretara egokituriko jantzi sortaren ordez, munduko edozein txokotan ikusten diren modako uniforme grisak eskaintzen dizkigute. 1977tik euskal herritarrak janzten dihardu IPESek. Berrogei urte ingurunera egokiro prestatzeko jantzigintza herritarra antolatzen. Bakoitzaren ingurunea ezagutu eta eraldatzeko moduko jantziak ekoiztuz, guztien neurrirako jantziak eta denen artean josiak. Berrogei urte josten eta XL neurrira heldu da IPES. Edonor sartzeko moduko neurria, aniztasunak emandako neurria, handitzen ari da jantzigintza faktoria herritarra! Handitzen kuantitatiboki, esku eta orratz gehiago sa