2018-11-23 19:18

Herri mugimenduak eta formakuntza politikoa” hitzaldia

Euskal Herrian, hamaika dira egun martxan ditugun formazio politiko esperientziak, edo bestera esanda, herri ezagutzen eraikuntza kolektiboak, eztabaida, tailer edota ikastaro kritikoak,formazio askatzaileak…

Guretzat, formazio askatzailea (trans)formazio sozial eta politikorako haziak ereitea ahalbideratzen duena da: pedagogia emantzipatzailea erabiliz, herriheziketaren bidez, elkarrekin ikasiaz, jakintzak sozializatuaz eta ezagutzaren eraikuntza kolektiboan arituz.

Formakuntza politiko/kritiko/askatzaile/eraldatzailea birpentsatzeko bidean beste urrats bat egin nahi dugu. Gure egunekotasunean eta parte-hartzen dugun eragileetan formakuntzarako ditugun oztopoez arituko gara solasaldi honetan, baita horiek gainditzeko saiakerez ere. Hitzaldian landuko ditugun gaiak:

  • Alde batetik, Euskal Herriko herri mugimenduen formakuntzaren inguruko gogoetaren berri eman nahi dugu. Ekainean egin zen “Korapilo askatze bidean” topaketan proposamen ugari atera ziren eta horiek zuekin konpartitu nahi ditugu.

  • Bestalde, Nazioarteko 13. Paradigmas emancipatorios tailerreraren berri eman nahi dugu, bertan parte hartuko duten Emagin, Ipes eta Ipar Hegoa-ko kideekin bera.

Animatuko zarete?

Data eta lekua: Azaroaren 26an 19:00etan (Donostin Udal Liburutegiko San Jeronimo aretoa. Helbidea: San Jeronimo kalea z/g)

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Errealitate konplexu eta aldakorraren aurrean biluzik aurkitzen gara maiz. Hotz egiten du kanpoan, eta garai ankerrotan, informazioak euri jasa trumoitsu gisa heltzen zaizkigu, tifoietan. Jakina, ez gara inguruneari aurre egiteko prest jaiotzen eta bizitzan zehar eskaintzen dizkiguten jantziak ez dira beti aproposenak. Taila estuetan hertsirik nahi gaituzte, edota iraganean iltzatutako jantzi zaharkituetan. Gure beharretara egokituriko jantzi sortaren ordez, munduko edozein txokotan ikusten diren modako uniforme grisak eskaintzen dizkigute. 1977tik euskal herritarrak janzten dihardu IPESek. Berrogei urte ingurunera egokiro prestatzeko jantzigintza herritarra antolatzen. Bakoitzaren ingurunea ezagutu eta eraldatzeko moduko jantziak ekoiztuz, guztien neurrirako jantziak eta denen artean josiak. Berrogei urte josten eta XL neurrira heldu da IPES. Edonor sartzeko moduko neurria, aniztasunak emandako neurria, handitzen ari da jantzigintza faktoria herritarra! Handitzen kuantitatiboki, esku eta orratz gehiago sa