2018-10-24 10:55
Ipsek memoria elkarrizketa saio berri bat egingo du ASTRA Gernikan, azaroaren 29an (osteguna) arratsaldeko 19tan. Mungiako Haizetara elkarteak aurkeztu berri duen ikus-entzunezko emanaldia izango da, eta bertako kide eta egilea den Ibai Alzaga elkarrizketatu dugu ere.
BVEk (Batallón Vasco Español) 1980.urteko urriaren 21ean Mungiako Baratz-pe tabernaren aurka egindako erasoa pairatu zutenen testigantza zuzena barnebiltzen du.
Garaiaren ispilua da lan hau; oroimen askotan hutsune bat sortu duena. Kontzienteki gertaera eta arrazoiak ezabatu nahia islatzen du, batetik. Bestetik, belaunaldi berriei gertaturikoa ezagutzeko eskubide urraketa-saioa adierazten du. Errealitate biei erantzuteko asmoz – hutsunea betetzeko asmoz- sorturiko lana da, zalantzarik gabe.
Lau haizetara zabal dezagun bada!
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Errealitate konplexu eta aldakorraren aurrean biluzik aurkitzen gara maiz. Hotz egiten du kanpoan, eta garai ankerrotan, informazioak euri jasa trumoitsu gisa heltzen zaizkigu, tifoietan. Jakina, ez gara inguruneari aurre egiteko prest jaiotzen eta bizitzan zehar eskaintzen dizkiguten jantziak ez dira beti aproposenak. Taila estuetan hertsirik nahi gaituzte, edota iraganean iltzatutako jantzi zaharkituetan. Gure beharretara egokituriko jantzi sortaren ordez, munduko edozein txokotan ikusten diren modako uniforme grisak eskaintzen dizkigute. 1977tik euskal herritarrak janzten dihardu IPESek. Berrogei urte ingurunera egokiro prestatzeko jantzigintza herritarra antolatzen. Bakoitzaren ingurunea ezagutu eta eraldatzeko moduko jantziak ekoiztuz, guztien neurrirako jantziak eta denen artean josiak. Berrogei urte josten eta XL neurrira heldu da IPES. Edonor sartzeko moduko neurria, aniztasunak emandako neurria, handitzen ari da jantzigintza faktoria herritarra! Handitzen kuantitatiboki, esku eta orratz gehiago sa