Egunak luzatzen hasi dira, eta eguzki izpiek loreak esnatuko dituzte apurka-apurka. Udaberrian sartu aurretik ongarriketa lanak egiteko aprobetxa dezakegu, lurrari behar duen indarra emanaz, neguko lozorrotik indartsu esna dadin. Hala ere, otsailaren erritmoak gure baratzean eragina izango du. Hau da, oraindik hotz mantentzen bada, atzerapenak izango ditugu, eta epeletik gehiago badu, lanak aurreratu egingo zaizkigu. Beraz, eguraldiaren araberako jarduna izango dugu.