“Martxoaren erdin gaua eta eguna berdin” dio esaera zaharrak, eta ohartuko zinen jada baduela bai arrazoia. Eguna eta gaua berdintzen hasten dira martxo erdi aldera. Argitasun honi esker, lurrak eguzki izpi gehiago jasotzen ditu eta honek lurra epeltzen hastea ahalbidetzen du. Honela, inguruan aldaketak izango ditugu; loreak eta kimuak jaiotzen hasi eta gure paisaia koloreztatuko dute. Modu berean, usainek eta txorien kantuek ere indar gehiago hartuko dute.