Seaskak 50 urte beteko ditu apirilean. Urratsez urrats egindako bidea izan da, eta eman diren pauso guztiak izan dira inportanteak. Gurasoak izan dira motor. Parte hartzeko izan duten grina eta motibazioaren eraginez familia handi bat osatu dute. Irakasleak ere, jasotzen duten formakuntza bereziaren laguntzaz, elkarbizitzaren partaide zuzenak bihurtu dira. Inplikazio hori izan da ikasleen emaitza onak lortzeko sekretua. Seaskaren hezkuntza proiektua ardatz hartuta, horren espiritua barreiatu da gizartean: euskara, kultura, parte-hartzea eta elkarlana. Duela 50 urte euskararen eta hezkuntzaren inguruan sortutako proiektua Iparraldeko proiektu kolektibo bilakatu da. Gizarte osoaren zilegitasuna duen proiektu.