Hik Hasik antolatuta, ‘Haur nahastuak, helduen nahasmena’ hitzaldia eskaini du Bilbon Alvaro Beñaran psikomotrizistak. Honen esanetan, portaera nahasiak dituzten haurren atzean sarri sostengu egokia eskaini ez dioten helduak egon ohi dira. Izan ere, inguruak ez badio haurrari munduan kokatzen lagundu, umea lekuz kanpo sentituko da, segurtasun oinarri sendorik gabe; eta, hain zuzen, segurtasun horretan legoke haurraren garapenerako gakoa.