Euskararen eta euskal kulturaren transmisioa bultzatzeko musika ikasgeletara eraman dute Nafarroan, ‘Musikariak ikastetxeetan’ heziketa-programaren bidez. Iaz jarri zuten martxan: 21 musikarik 88 saio egin zituzten, eta egitasmoak izan zuen arrakastari esker, ikasturte honetan bikoiztu baino gehiago egingo dituzte saioak: 32 musikariren artean 191 saio egingo dituzte Nafarroa osoko A eta D ereduko Batxilergoko eta DBHko ikastetxeetan.