Gaur hasi dira eskolak Iparraldean, ikastola, kolegio, lizeo eta unibertsitateko ikasleak gaur goizean itzuli dira ikastetxeetara. Osasun krisiak baldintzaturik egin da eskola sartzea, izan ere, Frantziako Hezkuntza ministerioak maskarak derrigortu ditu 11 urtetik gorako ikasleentzat, ikastetxe guztietan. Era berean, protokolo sanitarioa dela eta, eskuak desinfektatu behar dituzte haurrek ikastetxera sartu aurretik.