Gaitasunez beteriko izaki gisa, zer nahi duen jakiteko eta horren araberako erabakiak hartzeko ahalmena duen pertsona bezala begiratzen diote haurrari Bizilore eskolan. Umeari ere berezkotasun eta potentzialtasun guztia ateratzeko aukera eskaintzea dute lehentasun, eta, horretarako, haurraren ongizatea ziurtatzea da bidelagunen lana. Duela 6 urte bost familiak hasitako ibilbidearen emaitza da ikusmira hori.