Apirilean irekiko den 2021-2022 ikasturterako aurre-matrikulazio aldiari begira, Nafarroan bizi diren etorkinak D ereduan matrikulatzeko kanpaina abiatu dute Nafarroako Ikastolen Elkarteak eta Sortzen Elkarteak. Antsoaingo Kultur Gunean egin den agerraldian azaldu dituzte ekimenaren nondik norakoak, eta babesa eskaintzen izan da Euskalgintzaren Kontseiluko idazkari nagusi den Paul Bilbao.