Alvaro Beñaran psikomotrizistak irakasleentzako eta gurasoentzako hainbat gako ematen ditu itxialdi honetan umeek euren garapenarekin eta ikasketa-prozesuarekin jarraitu ahal izateko eta oraingo bizitza hau, bai haurrentzat baina baita helduentzat ere, eramangarriago eta bizigarriago egiteko. Filtroa helduak dira, beraz, helduak ondo egotea da gako nagusietako bat: “Helduok elkar zaindu behar dugu, gure emozioak bideratzeko sistemak bilatu behar ditugu, gure beharrak asetzeko eta atseden hartzeko; eta eskolaren laguntzarekin haurrek euren ikasketa-prozesuarekin jarraitu ahal izateko estimuluak mantentzeko proposamenak eta gomendioak jasotzea interesgarria litzateke”. Irakasleen egitekoari dagokionez, orain rol bikoitza dutela uste du: “ Zentro bezala, antolatu familiei erremintak emateko eta nola-hala haurren ikasketa-prozesua mantentzeko, eta bestetik, teknologiaren bitartez posible baldin bada, haurrei eman noizbehinka presentzia, erakutsi egoera honetan ere haurrez arduratzen direla”.