Aspalditik lanean ibili ondoren, Goiener Taldeak badu bere online denda berria martxan. Oninarteko lagunen lanari esker, kamisetak, sudaderak, katiluak, poltsak… jarri dituzte salgai bertan.

Eta merchandising kontuak ez ezik, Pikara Magazine-rekin argitaratu duten “Energiak” monografikoa ere salgai dago dendan. Ikuspuntu feminista batetik energia aztertzen duen liburuxka honek erreportaje, elkarrizketa, artikulu… oso interesgarriak dakartza, baita aurpegi ezagunen bat ere.

Egungo eredu energetikoaren alternatibei buruz hitz egiten da energiaren monografiko honetan, pobrezia energatikoaz, greenwashingaz, mugikortasunaz, deshazkundeaz, justizia sozialaz eta etorkizunaz.

Familia, lagun edo zeure buruari oparitxo bat egiteko gogoa baduzu, sartu Goiener Taldeko dendan eta ikusiko duzu zenbat gauza polit prestatu dituzten.