Urrian zehar 5 tailer parte-hartzaile egin ditugu Talde Lokalekin, Goienerren lantzen ari garen lehenengo Berdintasun Planaren inguruan eztabaidatzeko, hausnartzeko eta informazioa biltzeko ere. Prozesu honek EMAKUNDE-EMAKUMEAREN EUSKAL ERAKUNDEAren finantzazioa jaso du, eta lanketa errazteko Equipare kooperatibaren (REAS Euskadi) kanpoko laguntza izan dugu.
Tailer hauetan kooperatibaren antolaketa-kulturaren alderdi batzuk aztertu nahi izan ditugu eta nagusiki hiru gairi buruz eztabaidatu dugu:
Modu horretan, ikusgarritasun txikiagoa duten esparru eta zeregin batzuk identifikatu ditugu, horietako batzuk gehienbat emakumeek egindakoak direlarik. Horrela, gaur egun erakundearen zatirik handienarentzat ikusezinak diren esparruak aitortzea bultzatuko duten ekintzak ezarri ahal izango dira.
Pertsona eredu hau ezagututa, baztertuak geratu daitezkeen pertsonen inguruko hausnarketa bultzatu dezakegu, hau da, parte hartzeko zailtasun gehiago dituzten edo erakundean inplikatuta sentitzea kostatzen zaien pertsonen inguruko hausnarketa hain zuzen ere.
Azaroan ekintza-estrategiak zehazten hasiko gara berdintasun diagnostikoan identifikatu diren hobekuntza esparruetan. Beraz, laster izango da I. Berdintasun Plana abian.
Goiener erakunde berdinzaleago eta eko-feminista bihurtzeko bidean jarraitzen dugu, bizitza erdigunean jarriz beti, gure plan estrategikoan jasotzen dugun bezala.
The post Berdintasun plana partekatu dugu Talde Lokalekin, hausnarketarako denbora izanik appeared first on Goiener Elkartea.