Datorren ostiralean, apirilak 7ean, Bilbo, Gasteiz eta Donostian "EZ DA ADIERAZPEN ASKATASUNA, ES TRANSFOBIA!! Gelditu dezagun autobusa" lemapean hainbat mobilizazio burutuko dira, LGTBI mugimenduak eta hainbat eragilek deitua, tartean, Karta Soziala.

Euskal Herriko eskubide sozialen Kartaren IRAKURKETA:

• Heteroarauak zuzendutako gure jendartean egunero ematen dira eraso lesbofoboak, homofoboak edota transfoboak keinu txikienetik indarkeria fisikora.
• Sexu bereko bikoteak, bestelako familia ereduak, alua duten mutilek, zakila duten neskek edota binomiotik aldentzen diren identitateak arriskutsuak dira ordenerako eta sistematikoki baztertuak dira.
• Azkenaldian eraso hauek sustatzen duten diskurtso ultrakontserbadoreen gorakada agerikoa da, boterean diren indar politiko, ekonomiko eta erlijiosoek sostengatuta.
• Euskal Herriko Eskubide Sozialen Kartan identitate, aukera sexual eta gorputz anitzak eskubide osoz eta era burujabe batean bizitzea  ahalbidetuko duen aldaketa bultzatu nahi dugu gure herrian, harreman ereduak errotik eraldatuko dituena.
• Horregatik, transfobiaren aurka erantzutera deia egiten dugu apirilaren 7ko mobilizazioetan.

MOBILIZAZIOAK:

• BILBO. Apirilak 7, ostirala, 19:30tan MANIFESTAZIOA Moyua plazatik
• GASTEIZ. Apirilak 7, ostirala, 19:00tan MANIFESTAZIOA Virgen Blancatik
• DONOSTIA. Apirilak 7, ostirala, 19:00tan KONTZENTRAZIOA Bulebarrean

--------------------