ONDORIO NAGUSIAK

Herriak sortzen du estatua. Horregatik, gizartearen praktika multzoen isla izan beharko luke, gu guztion desirena; ez soilik eliteen eta kapitalaren beharrena. Instituzioak horretarako tresna garrantzitsuak dira. Ondorioz, funtsezkoa da instituzio eta erakunde publikoetan parte hartzea. Baina parte hartzea ez da soilik egotea. Parte hartzeak aldaketa integrala behar du eta horretarako lidergoak eta erakundeen nolakotasuna birplanteatzea ezinbestekoa da.

Mugimendu Feminista beharrezkoa da prozesu honetan, baita beronen baitako aliantza eta saretzea ere. Hau da, aukera berdintasunean oinarritutako jendartea lortu nahi badugu, politikak eta politika egiteko moduak feministak izan beharko dira halabeharrez. Horretarako, Mugimendu Feminista sendo, saretu eta antolatua behar dugu, instituzioekin harreman zuzena edukiko duena eta lidergo feminista kolektiboa osatuko duena.

Aldaketa transbertsala eta sistemikoa izatearen beharra ere hainbatetan aipatu da.