2017-01-17 11:30
Euskal Herriko Bilgune Feminista osatzen dugunok irmoki salatu nahi ditugu Chrysallis Euskal Herriak egindako kanpainak pairatu dituen eraso transfoboak. Ile luzea eta femenino lez ulertu daitezkeen gainontzeko elementuak dituen gorputz bat zakilaz erakusten duen irudia arriskutsuegia omen da ordenarentzat.
Elkartasuna adierazi nahi diegu elkarte hau osatzen duten pertsonei. Handi zein txikiei. Bide batez beraien ibilbidea egiten jarraitzera animatzen ditugu. Borrokatzera eta bizitzera. Alua duten mutilak eta zakila duten neskak. Ez beraiek bakarrik, ordea. Baita ere, trans* identitatearen aterkiak bildu ditzakeen gainontzeko aukera bizi duten guztiak. Txiki zein handiak.
Transfobiari stop!
Argazki anitzekin arrakalatu dezagun!
Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
Euskal Herriko Bilgune Feminista (EHBF) 2002an sortutako nazio mailako erakunde feminista eta abertzalea da, esparru ugarietako emakume asko eta askotarikoen hausnarketatik sortutako egitasmoa. Euskal feminismoaren eta euskal feministen oinordekoak gara. Hark ezartzen digun zapalkuntza hirukoitzaren (klase-zapalkuntzaren, nazio-kultura zapalkuntzaren eta sexu-generoaren zapalkuntzaren) aitortzatik abiatuz aztertzen dugu errealitatea eta ikuspegi horretatik egiten diogu aurre errealitate horri. Pixkanaka, askotariko zapalkuntza horien elkarreraginean eta intersekzionalitatean jarduten dugu, zapalkuntza-sistema orotatik askatu eta Euskal Herri burujabe eta feminista baten aldeko borrokan.
