Horrela, Auzitegia bat dator apiriletik hona egiten ari diren erabaki militarrekin, PSOEk eta Union Podemosek osatutako gobernua bertan behera uzteko eta 78ko Erregimenaren aurka egin nahi duten alderdiak mapa instituzionaletik ezabatzeko. Eskuin politikoa, guardia zibila, militarrak, PSOEko buruzagi ohiak eta komunikabide asko norabide berean mobilizatzen ari dira.

ELAk elkartasuna adierazi nahi die Rafa Diezi, Miren Zabaletari, Arnaldo Otegiri, Arkaitz Rodriguezi eta Sonia Jacintori. Bidegabeki auzipetu zituzten, bermerik gabe epaitu zituzten (Europako Auzitegiak ebatzi zuen bezala) eta kondena bat jasan zuten, oso-osorik bete zutena. Orain, berriz epaitu nahi dituzte, edozein demokrata gorritzen duen erabaki batekin.

ELAk espero du mobilizazio sozialak eta ekintza politiko eta judizialak eragotzi egingo dutela Auzitegiaren erabaki politiko honek bere helburua lortzea. Era berean, Gasteizko eta Iruñeko parlamentuek eta gobernuek bost herrikide horiek babestea eskatu du ELAk.