Urteetan zehar espainiar estatuko alderdi politiko nagusiek hitz eman zuten ETAk armak utzi eta desegiteko urratsa emanez gero, berehala egingo zirela urratsak espetxe politikan. Bada, ez da halakorik gertatu, ez behintzat urrats handirik. Hori dela eta, beharrezkoa da Euskal Herriko gehiengo politiko, sozial eta sindikalak aldarrikatzen duen oinarrizko justiziaren alde egitea.

Mobilizazioekin batera, beharrezkoa da hainbeste euskal herritarrek bizi dituzten bidegabekeria hauek gure herriko eragile politiko nagusien agendetan kokatzea. Injustia honek ezinbestean baldintzatu beharko luke espetxe politika krudel hau bermatzen duten indar politikoekiko harremana.

Honegatik guztiagatik, ELAk bat egingo du urtarrilaren 12rako Orain Presoak eta Bakearen Artisauak dinamikek deitutako manifestazioekin.