Tele Taxi San Fermín enplegu-zentro bereziko langileek hitzarmenaren negoziazioan lortutako akordioa betetzea eskatzen diote enpresako zuzendaritzari. Otsailaren 15eko negoziazio-bileran, besteak beste, KPIari lotutako soldata-igoera ezartzea erabaki zen, baina enpresako zuzendaritzak ez du hori bete nahi. Horregatik, langileak greba mugagabean daude uztailaren 1etik.
Harrezkero, zuzendaritzak langileei egiten dizkien presioak onartezinak izaten ari dira, bajan dauden langileak mehatxatuz eta San Fermin jaietako grebarako eskubidea urratuz, uztailaren 15ean teleoperadore bat ordezkatuz eta hilaren 11n bere ordenagailutik egindako deiei erantzunez. Lan Ikuskaritzan salatu da hori.
Horregatik guztiagatik, ELAk Iruñerriko Mankomunitateari, zerbitzu hori antolatzeko eta kudeatzeko ardura duenari, exijitu dio gatazka honen konponbidean aktiboki parte hartzeko, Tele Taxi enpresako zuzendaritzak adostutakoa bete dezan.