United Capseko zuzendaritza fede txarrez jokatzen ari dela eta lehen egunetik greba egiteko oinarrizko eskubidea urratzen ari dela salatu du ELAk. Gertaera larri horiek lan-ikuskaritzaren aurrean salatu dira, eta enpresak 10 egun baino gehiago behar izan ditu bertaratzeko. Zuzendaritzak plantillak mespretxatzen ditu bere jarrera prepotentearekin, eta, gainera, Ikuskaritzari barre egiten dio, benetan izan behar duena baino aliatu gisa ikusten baitu, hau da, grebarako eskubidea zaindu  eta urratzen uzten ez duen lan-agintaritza gisa.

ELAk abenduaren 16an aurkeztu zuen LHKn proposamen bat, enpleguari eusteko industria-plan bat lantzeko konpromisoan datzana, eta, hala badagokio, langileentzako irtenbide duinak aurreikusten dituen gizarte-laguntzako plan bat lantzen duena.

Frogatu ahal izan dugunez, Sopelako zentroa ixtearen kostua fabrikazioa errentagarriagoa egiteko beharrezkoak diren inbertsioak egitearen kostua baino handiagoa da, eta, beraz, argi dago zuzendaritzak ez duela argudiorik. Hori dela eta, ELAren planetamenduari ere ez dio erantzun, eta horrek agerian uzten du bere langileak mespretxatzean gain, LHK ere leku txarrean uzten duela.

Industria- eta enplegu-sailek oso zeregin garrantzitsua dute gatazka honetan, eta modu serioan lan egin behar dute Bizkaiko enplegua defendatzeko. Enplegua defendatzea enpresa bakoitzean lanpostu bakoitza defendatzea da.

United Capseko langileek bere duintasuna defendatzen jarraituko dute. Ez dira data onak inorentzat, baina United Capsen jarreraren ondorioz, hain egun seinalatuetan eta pandemia betean, langileen familiek enpresan kontzentratuta igaroko dituzte gabonak. Plantilla honen duintasunak ez du preziorik.