Mahai Sektorialean ez da ezer negoziatzen. Bileren edukia eta egutegia alde bakarretik erabakitzen dira, eta mahai gainean jartzen dena aldez aurretik hartutako erabakiak dira. Osakidetzak erabakitzen du zertaz eta noiz hitz egiten den.
Horregatik, salatu nahi dugu ez dagoela negoziatzeko inolako borondaterik, eta 2021erako aurrekontuan jasotakoa ez dela nahikoa euskal osasun-sistemak baliabideetan eta pertsonalean behar dituen inbertsioak bermatzeko; horrez gain, ohartarazi nahi dugu bi gai horiek eragin zuzena dutela langileen lan-baldintzetan, bai eta herritarrei eskaintzen zaien osasun-arretaren laguntza-kalitatean ere.
Osakidetzak dituen arazoek ibilbide luzea dute. "Langileek 10 urte baino gehiago daramatzate euren aldarrikapenei erantzuteko zain. Ezin dugu gehiago itxaron. Benetako negoziazioa eskatu behar dugu, pandemiak agerian utzi dituen gabeziei erantzuna emateko edukiekin.
SATSE, ELA, LAB, CCOO, UGT eta esk sindikatuok gure aldarrikapenei heltzeko beharra eta premia berretsi nahi dugu: Osasun publikorako aurrekontu-partida bat, EBko batez bestekoarekin parekatuko dena, osasun-arloko aurrekontuaren % 25 lehen mailako arretara bideratuz; plantilla handitzea, iruzurrean ezkutatuta dauden enpleguak egiturazko plantillan sartuz; behin-behineko langileak sendotzea; murrizketa guztiak lehengoratzea; zerbitzuak lehengoratzea; Enpresaren osasuna eta segurtasuna bermatzeko neurriak
Horregatik guztiagatik, lantokietan bizi den egoera salatzeko aldarrikapen horien harira, 2021ean ere mobilizazio-dinamika bati eutsi diogu, plataforma interisndikalak sustatuta.
Ostegunean, hilak 7, berriro ere, gure eskakizunak entzungo dira Bilbo, Donostia eta Gasteizko kaleetan.