ELAren ustez, akordioetako edukiek ez dituzte inondik inora zalantzan jartzen etekinak igotzeko prekaritatea etengabe zabaltzen ari diren gobernuaren politikak ezta patronalaren praktikak ere. Gehitu duenez, prekaritatean sakontzen ari dira, beti ere, emakumeen eskubideen eta langileen lan osasunaren lepotik. “Berdintasun, lan osasun edo enpleguaren alorrean langile eta patronalen artean adostasuna dagoela irudikatu nahi izatea lan zentroetan etengabe dagoen gatazka ezkutatu nahi izatea da. Patronala eta gobernua zuritzeko ariketa hutsa daâ€. Elkarrizketa Sozialaren Mahaia baino, “ustezko euskal oasiaren miseria guztiak ezkutatzeko alfonbra bat dela†salatu du Lakuntzak. Horren adibide da Zaldibarren gertaturikoa, “Jaurlaritzaren eta patronalaren ereduaren porrotaren adibide argia, lan ikuspegitik zen ingurugiroaren ikuspegitik aztertuta ereâ€. Mahai hau patronalaren neurrira eginda dagoela azpimarratu du, berak erabakitzen duela zertaz hitz egiten den eta zertaz ez.
Eskubide bakar batean ere aurrera egiteko borondate eza erakutsi izana salatu du ELAk, berdintasunean, enpleguan, formakuntzan edo industria 4.0 deitutakoan ere inolako urratsik ematen ez dela argudiatuta.
Aurreko guztiagatik, ELAk edukirik gabeko mahaietatik kanpo geratzeko egindako hautua berretsi du beste behin. “Ez gatoz bat aplikatzen diren politikekin eta patronalen estrategiak salatzen jarraituko dugu. Ez diogu gezurrik esango jendarteari: arazoak ez dira era honetako mahaietan konpondukoâ€, laburbildu dute.
Irakurri hemen balorazio osoaÂ
Â