ARGIA.eus

2019ko ekainaren 20a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2018-10-18 16:32
Gipuzkoako Lan Ikuskaritzak 600.000 euroko isuna jarri dio EITBri, baina 2014ko irregulartasunak baino ez ditu arautzen. Euskal Administrazioan orokorrean gertatzen den bezala, EITBn ere prekarietatea da nagusi. Datuei erreparatzea besterik ez dago: langileen %30ak aldi baterako kontratua du. Gainera, langile asko egon dira EITBrentzat lanean, baina lan-kontraturik gabe, alegia, iruzurra ohikoa da.

ELAk salaketa ugari jarri ostean, Gipuzkoako Lan Ikuskaritzak zehaztu du 65 langileri EITBko kontratua egin behar zaiela.

Halere, Lan Ikuskaritza 2014ko kontratu irregularrak arautzera mugatu da. Horren ostean etorritako urteetan gertatu den iruzurra arautzea dagokio orain.

ELAk EITBri exijitzen dio bertan behera utzi ditzala prekarietatea besterik eragiten ez duten politikak, eta arautu dezala EITBrentzat lan egiten duten langileen egoera; bai iruzurrean oinarritutako kontratuak dituztenen langileena, baita aldi baterako kontratua duten beharginena ere.

EITBn gertatzen ari dena ez da kasu isolatua, baizik eta erabat barneratuta dagoen politika neoliberala. Horren aurrean, premiazkoa da enplegu publikoaren eredu berri bat sortzea, Administrazioan nagusi den prekarietatea behingoz errotik ezabatuko duena, gizarteri kalitatezko zerbitzua eskainiko dion eredua, hain zuzen ere.







 

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.