ELAk jakin ahal izan duenez, joan den otsailaren 29an, larunbatean, Ambuibérica enpresako bi osasun-larrialdietako bi teknikarik ondoezik zegoen pertsona bat Hernaniko osasun-zentrora eraman zuten, eta handik Donostiako Ospitalera.

Pazienteak duela gutxi Italiara bidaiatu zuela adierazi ondoren, larrialdiak koordinatzeko zentroak koronabirusaren aurrean jarduteko prozedura aktibatzea erabaki zuen, gidaria eta osasun-langilea prebentzioz isolatuz eta erabilitako ibilgailua geldiaraziz, harik eta horri buruz egindako proben emaitzak jakin arte.

Hala ere, eta egoeraren berri izan arren, Ambuibericak ez zituen prozedura horretan ezarritako neurriak bete, eta isolatutako langileei agindu zien basea eta geldiarazitako ibilgailua desinfektatzeko, aipatutako proben emaitzarik eduki gabe eta inolako babes-neurri gehigarririk hartu gabe.

Emaitzak negatiboak izan ziren arren, ELAk Ambuibericako langileek koronabirusari dagokionez duten arrisku eta babesgabetasun-egoera deitoratzen du; izan ere, ezarritako prozedurek ez dute aurreikusten lagundutako pertsonek osasun-langileei beren osasun-egoeraren berri eman nahi ez dietenik edo emateko moduan ez daudenik.

Era berean, ELAk salatu du Ambuibericak ez dituela prozedura horiek betetzen, enpresak ez baitu ibilgailu berezir eta babes-ekipamendu nahikorik, langileek paziente kaltetuak edo egon daitezkeenak behar besteko bermeekin garraiatu ahal izateko.

Azkenik, Osasun Sailak gai honetan behar adinako kontrolik ez duela salatzen du ELAk, ez baitu Osakidetzak kanpora atera eta azpikontratatutako enpresek COVID-19ren aurrean ezarritako jarduera-prozedurak beteko dituztenik bermatzen.