Hauek azken lau urteko taulak:
Zoritxarrez eta taulan ikusten denez, datu historikoak hauek beste zifra historiko batzuekin batera datoz, langileen parte-hartzea onuretan jeitsi delako. Irabazi- eta dibidendu-taulan ikusten den bezala, langileek sorturikoa igoz joan da, eta, bitartean, batez besteko soldata ia 7.000 euroan jeitsi da, gehienbat izan diren kontratu berrien soldata diskriminatzaileagatik.
Kaltetuenak, beste behin, tailerreko langileak dira, produkzioan eta onuretan datu historikoak izanda ere, enpresak markaturiko produkzio zifretara ez iristearen ondorioak pairatzen hasi baitira. Langileek, enpresaren zenbakiak gorabehera, 18 egun zor dizkiete enpresari, hitzarmenean markaturiko batez besteko mugatik gertu.
Beste behin ere, ekoizpena jaistekotan, tailerreko plantilla izango da lehenengoa ondorioak sufritzen. ELAren ustez halako etekinak dituen enpresa batek ezin du zama langileen gain jarri, ez baita bidezkoa langileek edota administrazioek banatze injustu baten ondorioak jasan behar izatea.