ARGIA.eus

2019ko apirilaren 22a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2018-12-11 13:10
Barakaldoko Kbus-eko langileek greba egingo dute abenduaren 27an eta urtarrllaren 10, 17 eta 24an, lan-hitzarmenaren alde. ELAk salatu duenez, "Kbus zerbitzua sortu zenetik lan-baldintzak ez dira hobetu, eta horren ondorioz, urruti geratu dira bidaiarien garraioko gainerako hiri-zerbitzuetako lan-baldintzetatik".

Barakaldoko Kbus-eko langileek aspalditik eskatu diete enpresa arduradunari eta Barakaldoko Udalari zerbitzua hobetzea. Horrekin batera lan-baldintzak hobetzea da ere eskatu diete, "Kbus zerbitzua sortu zenetik izozturik egon baitira, eta horren ondorioz urruti geratu direlako bidaiarien garraioko gainerako hiri-zerbitzuetako lan-baldintzetatik".

Lan-baldintzak eta zerbitzua hobetzeko puntuetako bat gidatzen ematen dituzten orduak murriztea da. Izan ere, 1.720 ordu pasatzen dituzte gidatzen urtean; Bizkaibus eta Bilbobus zerbitzuetan dituztenak baino 150 gehiago.

Gainera, kontratazioen arloko erreklamazioei jaramon egiteko eskatu dute. Lan-poltsa bat ere sortu behar da, behin-behineko langileei lanean jarraitzeko aukera emateko. Beharrezkoa da euren lan-baldintzak parekatzea beste hiri-garraioetan dituztenekin, Barakaldoko herritarrei zerbitzu hobea eskaini ahal izateko.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.