Egoitzetan pandemia bereziki gogorra izan dela jakinda ere -170 hildako baino gehiago eta ehunka langile kutsatuta-, Gipuzkoako Foru Aldundiak eta enpresek sektoreari erantzun egokirik eman gabe jarraitzen dutela adierazi dute. Salatu dutenez, lehendik ere langilego falta arazo estrukturala bazen ere, are gehiago okertu da orain, lan-kargak handitu direlako zentroak berregituratu direnetik.
Horregatik guztiagatik, Gipuzkoako Senideak, Irauli Zaintzak, ELAk eta LABek urriaren 6rako deitu duten manifestazioarekin bat egin dute. Mobilizazioak bat egingo du bi sindikatuek egun horretarako egindako greba deialdiarekin.