Udaletxe, Eusko Jaurlaritzako Lan Delegaritza eta Gurutze Gorriarekin hondartzetako sorospen zerbitzuetarako zerbitzu minimoak ezartzeko izandako bileraren ostean, ELAk lan Delegaritzak hartutako jarrera salatu nahi du.

Mahaigainean jarritako proposamena (% 75), lan baldintza penagarrietan langileak kontratatzen dituen Gurutze Gorriari estaldura osoa ematen dion proposamena dela salatzen du ELAk. ELAren ustez, zerbitzu minimo hauek, gehiegizkoak izateaz gain, langileak grebara ez joatea aurkitzen dute, euren egoera prekarioari luzapena emanez.

ELAren ustez, “hondartzan bainua hartzea” ez da gizartearen beharrezko eskubide bat, eta beraz, gehiegikeria iruditzen zaio lan baldintza duinen alde borrokatu nahi duten langile batzuei zerbitzu minimo hauek inposatzea.

Gaineratu nahi dugu, zerbitzu minimoen bukaerako erresoluzioa edozein delarik ere, langileek osotasunean babesten dituztela mahaigainean jarritako eskakizunak, eta grebaren jarraipena masiboa izango dela, batzarretan argi gelditzen ari den gisara.