ARGIA.eus

2019ko apirilaren 23a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2018-06-26 12:38
Euskal Herriko Eskubide Sozialen Kartaren ordezkariak kalean izan dira sinadurak biltzen. Helburua, gutxienik 10.000. Hori da Kartak pobreziaren aurka eta kalitatezko babes sistema publiko baten alde garatu duen Legegintzako Herri Ekimena Eusko Legebiltzarrean eztabaidatu ahal izateko jaso beharreko gutxieneko sinadura kopurua. Kanpaina bide onetik doa, eta dagoeneko milaka dira jaso diren atxikimendu sinadurak.

Gaur, herri ekimen hau babesten duten sindikatu eta gizarte eragileak kanpainari bultzada berri bat eman nahi izan diote. Horregatik kalera atera dira Donostian, Gasteizen eta Bilbon, herritarrei ekimena aurkeztu eta euren sinadurak bildu asmoz.

ELAko idazkari nagusiak ere parte hartu du mobilizazioan. Adolfo Mu˝ozek ekimen honen garrantzia azpimarratu du. ?Eusko Jaurlaritzak murrizketekin jarraitzen du; etxebizitza politika edo Diru-Sarrerak Bermatzeko Gutxieneko Errenta horren adibide argiak dira. Politika hauek pobreziara bultzatzen gaituzte. Horregatik egoera hau iraultzeko mobilizazioa ezinbestekoa da, eta ekimen hau horren barruan txertatzen dugu?.

Iru˝ean ere jendea kalera da Euskal Herriko Eskubide Sozialen Kartak deituta, baina oso arrazoi ezberdinagatik. Nafarroako Parlamentuko Mahaiak atzera bota zuen ekimen honen tramitazioa, ?aurrekontu-kredituen hazkundea dakarrela? argudiatuta. Kartaren ordezkariek erabaki hau salatu dute Parlamentuaren aurrean. ?Erabaki oso larria da, herritarron interesen aurka hartutako erabaki anti-demokratikoa. Hala ere ez dugu etsiko eskubide sozialak bermatu eta hobetzearen aldeko borrokan?.

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.