ARGIA.eus

2020ko abuztuaren 13a

Eragileen plaza!

SORTU KONTUA
ELA klase sindikatu abertzalea da, 1911n sortua eta egun 100.000 afiliatu dituena.
2019-03-26 17:11
Eusko Jaurlaritzak Hezkuntza Publikoan martxan diren hauteskunde sindikalak oztopatu nahi izan ditu, modu larrian gainera. Izan ere, hauteskunde mahai guztietara gutunak bidali ditu agindu zehatz batekin: posta bidez jasotako botoen artean batzuk balizkotzat jo behar dira, beste batzuk, ordea, baliogabetu, beti ere, Jaurlaritzaren irizpideei jarraiki.

Legez, hauteskunde mahaiek bakarrik erabaki dezakete zein kasutan baliogabetu behar den boto bat; legez kontrakoa da, beraz, enplegu-emaileek (enpresa edo Administrazioa, kasuan kasu) esku hartzea hauteskundeetako bozak baldintzatzeko asmoz. Are gehiago, Hezkuntza Sailak hainbat gutun ireki ditu modu irregularrean, beraz, botoak manipulatu eta hauteskundetan iruzurra egiteko arriskua egon badago.

Gauzak horrela, Eusko Jaurlaritzak berehala erretiratu behar ditu bidalitako gutun horiek eta hauteskunde mahaiei askatasuna eman erabakiak euren kabuz hartzeko, kanpoko inongo eraginik gabe, alegia, hauteskunde gutietan egiten den bezala. Hala exijitu dio ELAk. Edozein kasutan, Jaurlaritzak gutun horiek baztertzen ez baditu, erabaki horrek izan ditzakeen ondorio legalak aztertuko ditu ELAk, baita penalak ere.

Eusko Jaurlaritza, gainontzeko sindikatuekin batera, hauteskunde prozesua modu larrian baldintzatzen ari da; orain urtebete hezkuntza publikoan deituta zeuden grebak bertan behera uzteko akordioa sinatu zuten gainontzeko sindikatuek beste alde batera begiratzen duten bitartean, hain zuzen ere.

?

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.