Badira hizkuntza txikiak. Badira txikitutakoak. Eta badaude hizkuntza handiak. Baita bortxaz handitutako hizkuntzak ere. Mendetako errepresio bidez txikitutako hizkuntza, euskara, normalizatu nahi izatea inposaketa omen. Iraganean indarrez inposatutako hizkuntza, gaztelania, gizarte guztiari inposatzen jarraitzea normala omen den neurri berean. Euskaltzaleok erasotzen eta iraintzen gaituztenek horri egoera soziolinguistikoa deitzen diote, prozesu natural baten ondorio moduan irudika dezagun.