Europa guztian zehar eskuin muturrak hauteskundeetan eta eremu kulturalean izan duen gorakadak eragin du eztabaida publikoan gero eta posizio atzerakoiagoak agertzea, baina areago, azkenean Batasunaren politikak ere baldintzatu ditu. Europar erakundeek ez diote aurre egiten migratzaileen kontrako gorroto diskurtsoari eta kriminalizazioari; aitzitik, hein handian ultren marko eta lehentasunak bere egin dituzte.