Kostua langileei leporatuko zaie, ordaintzen dituzten zergen bidez, eta ez enpresarioei; hau zen ELAk galdegiten zuena. Sindikatu honek proposatu zuen euskal funts publiko bat sor zedila sektore profesional guztietarako, zeina enpresen etekinek finantziatuko zuten (sozietateen gaineko zergan errekargua ezarriz) eta lanpostu guztiak, baita aldi baterkoak ere, mantentzeko baldintzapean. Funts hori 300 milioi euro ingurukoa izan zitekeen (EAEn sozietateen zergarekin biltzen den kopuruaren laurdena).
ELA prest zegoen akordio on bat iristeko, baina Eusko Jaurlaritzak oraingoan ere bere estilo sektarioa erakutsi du, baztertu egin baitu euskal gehiengo sindikala, jakinik Elkarrizketa Sozialeko Mahaian ez zuela aurkako iritzirik topatuko eta emaitza merkeena izango zela.