CCOO, LAB, ESK, UGT eta ELAk udalerriko Correoseko bulegoaren aurrean deitutako elkarretaratzean adierazi dutenez, langile nahikorik ez dagoenez, egunero hainbat banaketa-eremu bete behar izaten dituzte, eta beste eremu batzuk banaketarik gabe uzten dituzte. Egoera horrek, langileen artean estresa eragiteaz gain, zerbitzuaren kalitateari eragiten dio. Izan ere, diotenez, kasu askotan, atzeratu egiten da bidalketa oso garrantzitsuen entrega, hala nola, enplegu-bulegoarekin lotutako komunikazioak, epez kanpo ematen diren azterketa medikoak... herritarrei kalte handia eraginez.