ELAren esanetan, enplegu publikoaren egoera beldurgarria da gurean, Estatu osoko behin-behinekotasun tasarik handiena baitago berton. EAEko esparru publikoko 40.000tik gora langile behin-behinekoak dira. Osakidetzan, adibidez, 16.000 langile behin-behinekoak dira, eta Hezkuntzan 10.000tik gora irakasle.
Datu horiek oso argigarriak dira; izan ere, Eusko Jaurlaritzak apustu garbia egin du enplegu publiko prekarioaren alde, zerbitzu publikoa pribatizatzeko lehen urrats gisa. Bestalde, EAEn badaude ia 100.000 langile azpikontratatuta oinarrizko zerbitzu publikoak bermatzeko.