Hezkuntza Sailak martxoaren 9an eta 12an hezkuntza-jarduera etetea erabaki zuenetik eta Alarmako Estatua deklaratu zenetik, Hezkuntzaren lehentasuna kontratuak etetea izan da, bai enpresentzat, bai kontratu horien eraginpeko langileentzat. Hala ere, orain arte eta Estatuaren dekretu bidez mantendu behar izan ditu. Erabakia berriz ere berezkoa denean, Sailak agerian uzten du bere asmoa: lehentasuna ematea aurrekontu-partidetan aurrezteari, baldintza sozial eta/edo ekonomikoen aurretik.

Jantokietan eta eskola-garraioan jarduerarik eta ratiorik ez egoteak langile guztiei modu berean eragiten badie ere, Hezkuntzako erabakiek oso modu desberdinean eragiten die sailarentzat zuzenean edo zeharka zerbitzuak ematen dituzten kolektiboei. Itunpeko ikastetxeetako eta ikastetxe pribatuetako langileek, ikasturte amaierara arte prestazio ekonomikoa jasotzen jarraituko dute Estatuak hala erabakita, eta Hezkuntza Saileko langileek ikasturte amaierara arte mantentuko dituzte kontratuak eta soldatak, Hezkuntzak hala erabakita. Ikastetxe publikoetako langile azpikontratatuen kontratuak, berriz, maiatzaren amaieratik aurrera etengo dira. Hezkuntza Sailak hala izatea erabaki du, existitzen ez diren ratio batzuk aplikatuz.

ELAk Hezkuntza Sailari eta Eusko Jaurlaritzari eskatzen die hartu beharreko erabakiek ez dezatela diskriminaziorik eta desberdintasunik eragin. Horretarako, azpikontratatutako langileen kontratuei ikasturtea amaitu arte eustea eskatzen die, bizi dugun egoera honetan gutxieneko egonkortasuna bermatuz. Bestalde, ELAk enpresei eskatzen die, izandako elkarrizketetan aurreratu dien bezala, bat egin dezatela bere eskaerarekin, Eusko Jaurlaritzak eta Hezkuntza Sailak kontratuak mantentzeko, lan-egonkortasuna bermatzeko eta diskriminaziorik ez egiteko.