Ados daude bilera hori egitea ez dela komeni, baina sindikatuek beharrezkotzat jotzen dute negoziazio-mahaiaren beste bilera bat deitzea ahalik eta eperik laburrenean, beste formula batzuk erabilita, hala nola, bideokonferentzia bidez.
Itundutako irakaskuntzaren greba-amaierako akordioa itxi ondoren, akordio horren edukiak aplikatzeko epeak eta moduak ezarri ziren hainbat negoziazio-mahaitan. Bide hori, ordea, ez da erraza izaten ari. Batetik, hainbat ikastetxe trabak jartzen ari zaizkio harpidetutako eduki batzuk gauzatzeari, batik bat, erretiro partziala tramitatzeari dagozkionak. Erabilitako argudio nagusia Jaurlaritzak horretarako diru-laguntzen deialdia ez argitaratzea izan da.
Bestalde, patronalak atzeratu egin ditu otsailean egitekoak ziren bilera batzuk. Azkenean, eta sindikatuek eskatuta, mahai bat deitu zen martxoaren 4an, eta beste bat 16an, baina ez ziren egin. Ildo horretan, epe labur batean egungo egoerak bere horretan jarraitzen badu, ELAk, Steilasek eta CCOOk ohartarazi dute eskura dituzten mekanismo guztiak martxan jarriko dituztela borroka sindikal luze baten ondoren lortutako hitzarmenaren edukiak betearazteko.
Â