2020-05-14 15:54
Schneider Taldeak 3 lantoki ditu Hego Euskal Herrian: Mungia, Gares eta Bilbo. Frantziako multinazionalak Estatu mailako ERTE bat proposatu zuen apirilean bere enpresa guztientzat. Horretarako, konpainiak negoziazio-mahai bat sortu zuen, Estatuko enpresa guztien ordezkaritza sindikala erreferentziatzat hartuta, honako osaera honekin: 7 CCOO, 4 UGT, 1 ELA, 1 LAB.

ELAk bilera guztietan parte hartu du, eta lehenengo egunetik negoziazio mahaiaren aurka agertu da, hainbat arrazoirengatik. Ez dago ERTEren justifikaziorik, lan-karga nahikoa dagoelako. Eta, bestalde, Schneiderren zuzendaritzak bere interesetarako ordezkaritza erosoa izateko estrategia bat du aurrean, estatu mailako negoziazio-mahai bat sortuz.

Kontsulta-aldia amaitzeko, zuzendaritzak eta CCOOk akordioa lortu zuten ERTEa irailaren amaierara arte aplikatzeko. Hala ere, ELAk uste du ez direla bete Legeak ezarritako baldintzak. Hori dela eta, ERTEa inpugnatu du.

ELAk argi dauka Schneiderren estrategia baten aurrean gaudela, estatuko sindikatuen lankidetzarekin, estatu mailako negoziazioa zentralizatzeko. Hego Euskal Herriko lantegietan lan egiten dutenen interesen aurkako erabakia da. Covid-19ak eragindako egoera honetan, lan-baldintzak pobretzea helburu duen estatalizazioaren adibide argia dugu, langileek Hego Euskal Herriko lantegietan aitortu duten ordezkaritza mespretxatuz.

 

 

Artikulu hau egilearen RSS jariotik automatikoki ekarri da hona. Baliteke jatorrizko artikulua luzeagoa izatea, eta hemen irakur dezakezu.
ELA klase sindikatu abertzalea da, 1911n sortua eta egun 100.000 afiliatu dituena.